Nola gerturatu elkarte batengana?

Elkarte ezberdin asko daude eta bakoitzak arlo ezberdin batean egiten du lana. Norberaren interesen arabera elkarte batean edo beste batean lagunzea nahiago izango duzu, eta elkarte guztietara hurbiltzea ez da era berdinetan egiten.

Boluntariotza oinarri duten elkarte batzuk badaude, eta hauek normalean hirugarren sektore sozialeko elkarteak izan ohi dira. Elkarte batzuek badute weborri propioa eta horrez gain batzuk boluntariotza jorratzen duen atal bat, web orri horren barruan. Horrez gain, weborria duten elkarte gehientan weborrian bertan kontaktaziorako helbide bat ageri da eta hori elkartearekin harremanetan jartzeko bide zuzen bat izan daiteke.

Horrez gain, hirugarren sektore sozialaren barnean kokatzen diren elkarte gehienak Gizalderen barnean aurkitzen dira. Hau Gipuzkoako Foru Aldundiak eta Hezkide eskolak sortutako elkartea da. Haien helburua boluntariotza sustatzea da, eta boluntariotzaren munduan murgiltzeko formazioa ere ematen dute bertan. Beraz boluntariotzara hurbiltzeko beste era bat ere izan daiteke.

Horrez gain, elkarte batzuk oso txiki eta xumeak izaten dira eta ez dute weborririk ere izaten. Baliteke hauetako elkarte batzuk interesagatik edo gertutasunagatik erakargarriak egitea. Kasu horietan bertara gerturatu eta galdetzea izaten omen da eraginkorrena.

Azkenik, Partaide gazteen boluntariotza modu berriak sustau eta indartzeko proiektua da. Hala ere, elkarte konkretu batekin harremanetan jarri nahi izanez gero Partaidetik ere lagun diezaizukegu.